Route server ашиглахын давуу тал нь IX-д холбогдсон олон тооны сүлжээнүүд хоорондоо нэг бүрчлэн peering хийх ажлыг хөнгөвчлөх юм. Та зөвхөн Route server-тэй холбогдсон нэг bgp session үүсгэхэд тухайн route server-тэй холбогдсон бусад сүлжээнүүдийн prefix-үүдийг харах боломжийг олгодог. Route server-үүдээр ямар нэг трафик дамжихгүй бөгөөд, эдгээр нь зөвхөн prefix солилцох механизмийг удирдах, хялбарчилж өгөхөд ашиглагддаг.

Бид хэрэглэгчээс зарлаж байгаа route-үүдийг route server дээр тохиргоо хийж шүүдэг учир биднээс зарлаж байгаа ямар ч route ийг хүлээн авахад аюулгүй.

MISPA-IX Route server систем нь 2 серверээс бүрдэнэ. (103.8.60.6, 2401:d600:0:aa::6 мөн 103.8.60.5, 2401:d600:0:aa::5). Аль нэг route server ажиллахгүй тохиолдолд 2 дахь сервер хэвийн ажиллахаар зохион байгуулагдсан. IPv4, IPv6 аль алиныг нь дэмжиж ажиллана.

Route server-ийн BGP тохиргоон дээр идэвхгүй (passive) байдлаар тохируулагдсан тул ISP тал дээрх BGP session заавал идэвхтэй байдлаар тохируулагдсан байх ѐстой.

Cisco –н 12.0(S) дээшхи хувилбаруудад "bgp enforce-first-as" утга анхдагч байдлаар нэмэгдсэн байдаг. Route server-ийг transparent байдлаар хэрэглэхийн тулд bgp дээр "no bgp enforce-first- as"-г тохируулсан байх ѐстой.

MISPA-IX Route server систем дээр хэрэглэгчээс route server-р дамжуулан зарлаж байгаа route-үүдийг хэрэглэгч өөрөө удирдах боломж олгох давуу талтай. Жишээ нь: Та тодорхой нэг route-г тодорхой нэг peer лүү зарлахыг хүсвэл тухайн route дээр 45204:[peer as] community нэмж зарлана уу. Хэрэв та өөрийн route-г бүх peer-үүд рүү зарлахыг хүсвэл 45204:45204 community-г нэмж зарлана уу. Ямар нэг community ашиглаагүй тохиолдолд таны зарласан route-г бүх peer- лүү зарлах болно. Хэрэв та тодорхой нэг route-г зарим peer- лүү зарлахгүй байхыг хүсвэл 0:[peer AS] community-г ашиглана уу. 0:45204 community ашигласан тохиолдолд таны зарласан route- ийг бүх peer-үүд рүү блоклох болно.

MISPA-IX Route server нь 0: болон 45204: байдлаар эхэлсэн community-г л шалгаж үздэг. Хэрэв та community ашиглахаар шийдсэн бол тохиргоон дээр send community (cisco) тусгаж өгөхөө мартаж болохгүй.

Хэрэв та MISPA-IX-д тохиргоогоо хийж холбогдсон бол дараах линкээр хандаж https://mispalg.mispa.mn холболтоо шалгана уу. Мөн IX дээр байгаа бусад сүлжээний талаар мэдээлэл авч bilateral peer хийх боломжтой.